Fort Hall Reservation benga sosoni'neen dease

 

bannaite'neen naaka'nna.

 

Side 544,000 acres naninakaide.

 

 5,114 newenee maba'andu naninakaihka,

 

wihyu 59% (3,035) newe naninakaidee'.

 

1991-hka, 3,528 newenee makahtun naboohka.

 

Aabai'aishe 1810-hka daiboo'nee

 

Andrew Henry-ha baizhekandee Henry's Fork-hga

 

dommohka, usem Missouri River Forks-gahyunde,

 

baki-ehe'nee sogogahyunde bemmi da deyo'hitaihka.


 


1818-gayu'nde 1832 gahtu saitu newe sogoodu

 

daiboo'nee wasepitam behi na'deweeye'nga,

 

Snake Expedition mai nanihakande. 

 

 Semme daiboo' Nathaniel J. Wyeth mai nanihade 

 

1834-hka Snake River Bottoms-ga,

 

nadeweengahni gadenge'nnu.

 

Fort Hall mai u niha'nnu,

 

suka daiboo'an nanihaa'ma,

 

(soo napeasegande'mma).

 

Suka nadeweengahni nadewaga'nnu, 1838-hka.

 

Sudee Hudson's Bay Company-nee

 

u guhnaingehkande,

 

1852-hka, bemme su'atsi u beannu.


 

 

1840-hka, Oregon Trail saika daiboo'nei newe

 

sogogahtum bo'ai tsatefange'nnu. 

 

Soon daiboo'nee utun gimaa'nnu.

 

  Newenee gizhaa udei summeehka.

 

 Newenee, udee gahti buichi,

 

 udee ma'ai debootsitahnaa'yu. 

 

Ooyonde sosoni'nee ma'ai.


 

 

          Haya'ngenaa Treaty of Soda Springs,

 

October 14,

 

1863-hka, newenee ma'ai denihannitsi,

 

debootsi'tahna'nnu.

 

Tahgee, Tasokwauberant, dease matigundem ma'ai.

 

Agai-deka'nee daigwahni',

 

Dendo'ai'ai bennen gai ukubit’h,

 

soon daa dakaduahka. 

 

Sudee wihyu,

 

daiboo' denihannigwapineen gai ukuhti bu'nni.


 

 

Binna'gwa Treaty of Fort Bridger 1868-hka,

 

Wind River Reservation,

 

dease Fort Hall Reservation-nehem

 

bemma newe sogopeha useen nimee'pe.


 

 

President Andrew Johnson

 

uwaan debootsitegi'nnu, February 14, 1869-hka.

 

Newenee subai' wihyu reservation ba'an naha'nnu.

 

Reservation nazatefa'nnu.

 

Daiboo'nee, newenei daiboo wa'ihku

 

naakandu'iha mai denimee'nnu.

 

Neweneen gai tsaa u summe',

 

gai daiboo'niku naha sumbaana'inna.

 

Daiboo'neen sudei newenei,

 

udeen newe sogoogahyunde

 

Reservation gahtu udei damahke'nnu.

 

Suku reservation-ga bidetsi gai dekapehba'i,

 

gai hinna dede'ai'i, dease nahawade'ihka. 


 

 

 

1878-hka newenee gizhaa suka reservation ba'

 

bemme daa meepeha suange'nde,

 

daiboo'nee ma'ai nabidengee'yu,

 

Bannock War of 1878 mai u niha'nnu.

 

Buffalo Horn, bannaite' dai'gwahni,

 

bannaite' duibichi'anei nite'oogishi,

 

daiboo'nee ma'ai nabidengee'yu.

 

Deasen noha', sosoni'nei baicheh.

 

Nabishai' September 1878-hka daiboo'nee

 

udeebai‘gan nahatsi,

 

udei hiwa'kwa,

 

watsewin dommo udei waikihkande.